中共對香港的第一次衝擊，就是72年前今日的「三一事件」。當年究竟發生什麼事，現在不妨重溫一下。

此事背景，是1951年11月東頭村木屋區一場大火。這場火燒掉數千房屋，令萬多人喪失家園，港英政府賑災不力，結果民怨沸騰。中共覷準時機，擬從廣州派遣「粵穗慰問團」於1952年3月1日訪港「慰問」，藉此贏取民心。港督葛量洪擔心中共趁機宣傳「反帝反殖」，一直表明拒絕「慰問團」來港。

然而在1952年3月1日，數千人依舊到尖沙咀火車站歡迎所謂「慰問團」。由於「慰問團」無法入境，群眾情緒失控，與警方衝突，激發暴動。有人毆打外籍人士、燒車、撕英國國旗、向警署擲石，結果警方要向群眾放催淚彈，甚至開槍阻止他們衝入警署。事後有多人受傷，一人死亡，廿四人被起訴，是為「三一事件」。

最近我一時興起，翻看1952年3月的舊報紙（包括《大公報》、《華僑日報》和《香港工商日報》等），再比較「香港地方志中心」編纂的《香港志》如何記述「三一事件」，一如所料，金主為「團結香港基金」（由董建華發起成立）的《香港志》完全把史實扭曲了。

《香港志》「大事記」關於「三一事件」的官方陳述，我一字不刪抄在下面：

1952年3月1日
1000多名在尖沙咀火車站的群眾，不滿港府禁止粵穗慰問九龍寨城東頭村受災同胞代表團入境香港，在佐敦道一帶與警方發生嚴重衝突，有示威者企圖搶走警署的英國國旗，被警方開槍打死，另造成30多人受傷，100多人被捕，當中12人其後被遞解出境，視為「三一事件」。

1952年3月5日
《大公報》、《文匯報》及《新晚報》同時傳載北京《人民日報》就「三一事件」發表的評論文章〈抗議英帝國主義捕殺香港的我國居民〉，其後三份報章共10名負責人被香港警方以涉嫌刊載煽動性文字罪名起訴。（注1）
光是看上述兩段文字，你有何感想？3月1日，「有示威者企圖搶走警署的英國國旗，被警方開槍打死」，然後在3月5日，《人民日報》評論稱「英帝國主義捕殺香港的我國居民」，兩件事一先一後，看來似乎順理成章，《人民日報》也「有理有據」，但事實根本不是這樣。

「三一」的死者叫陳達儀，是25歲紡織染工人，他的確因中槍身亡，但時間不是3月1日，而是在醫院治療期間，因腦部神經血結突然斃命，死亡日期為3月18日（見《華僑日報》1952年3月19日報道）。換言之，當大公文匯轉載《人民日報》評論時，根本尚未有人死亡，又何來「捕殺」呢？此其一。

其二，警察向陳達儀開槍，也決不是因為「示威者企圖搶走警署的英國國旗」。據當年3月2日《華僑日報》和《香港工商日報》所載，警方開槍的主因，是群眾向警署擲石，甚至有人試圖衝入警署。

《工商日報》1952年3月2日報道，3月1日下午4點50分左右，群眾包圍旺角警署，並向警署投擲石塊，高呼「打倒xx帝國主義」，「消滅X X」口號，警司下令警員退守署內，採防衛態度，「但群眾竟擬從正門闖入警署內，結果警方採取必要措施，立即投擲催淚彈及以手槍向群眾射擊，其中一警員並放槍制止從正門擬闖入警署內之群眾，當堂擊傷群眾中之男子三人。」

《工商》上述報道以「英旗被毀 警察放槍」為題，其實內文是講兩件事，並非說開槍跟英旗被毀有關，旁邊還有一則報道，大字標題「警方解釋開槍原因」，內文說：「至於旺角警署華警開槍，則係因該華警曾見一人似欲向警署拋擲炸彈之故。」

當年警察開槍的理由是否充分，大家固然可以討論，但事實明顯不是像《香港志》所說，「有示威者企圖搶走警署的英國國旗，被警方開槍打死」。

至於《香港志》所謂「另造成30多人受傷」，含糊其詞，彷彿傷者全是被「英帝國主義捕殺」的香港華人，也是嚴重誤導。《大公報》3月2日刊出的「受傷者名單」，其實只有12人（當然不是完整的傷者數字），其中三個男子受槍傷，包括十多日後不治的陳達儀，其餘多屬輕傷，名單上有四人是西人警察，也有一對西人夫婦。

想起前年看過程翔一篇訪問，他曾引述中共前港澳辦副主任李後的書《回歸的歷程》，書上很清楚地說「中共對香港的方針政策，受過三次所謂左的衝擊以及干擾」，第一次就是「三一事件」。程翔指出，李後認為當時在香港的中方人員，即港共、潛伏在港的中共地下黨，「一些做法是不適當以及不符合中央政策。」

連中共官員也隱晦地承認「三一事件」的錯誤了，為什麼《香港志》還要為它塗脂抹粉呢？如果連這類事件也要撒謊洗白，其他中共官方堅拒承認的錯誤，還有可能如實記錄下來嗎？這樣的「史書」，傳統中國讀書人都會稱為「穢史」。
注
1
https://hkchronicles.org.hk/node/127

_______________________
耶穌說：「一粒麥子不落在地裏死了，仍舊是一粒；若是死了，就結出許多子粒來。」
請訂閱支持十三維度Patreon：
https://www.patreon.com/sefirot
圖/ 1952-3-2《華僑日報》

支持我們：https://www.ls1.points-media.com/supports/

The post 【馮睎乾十三維度】《香港志》如何扭曲「三一事件」 appeared first on 棱角媒體.

本欄好似成日都只係從員工方向出發，又或者經常講招聘有幾容易或者困難，卻冇乜從做老闆嘅角度去同大家做一啲分享。冇計啦，我都係打工嘅，所以文章大部份都會站喺打工仔嘅角度。不過有咁講，話晒都會接觸到公司上層嘅決策者佢哋嘅諗法，今日就轉一轉話風，去睇下究竟點樣可以去好好嘅留住為你打拼江山嘅同事。

今年繼續面對市場人手短缺，無論係任何一個Sector都基礎上出現人手不足嘅情況。每一次有員工離職的時候，理論上人事部都會同佢哋做Exit interview，喺一個相對安全嘅情況之下，好多人都會食誠實豆沙包，老老實實咁樣同人事部分享離職嘅原因。喺澳洲綜合嘅離職原因不外乎有下邊幾個：

1. 不嫌錢多 – 依家物價飆升，人工升幅往往追唔上CPI，有人願意出多啲，當然係好大嘅誘因。呢個響一啲時薪嘅低薪工作尤其嚴重，好多時候爭一蚊兩蚊一個鐘，就已經足夠叫佢哋轉工了。所以留意住市場嘅薪酬趨勢，以及自己嘅負擔能力，對僱主嚟講非常重要。

2. 致命距離 – 喺大雪梨人多車多，朝早返工嘅時間可以因為塞車由半個鐘變成九個字，甚至一個鐘。陣間一個唔覺意如果個同事住喺新區，距離CBD唔塞車都分分鐘超過一個鐘。好多打工仔都因此希望搵一份喺屋企附近（最好半個鐘內搞掂）嘅返工地點。

3. 幹得不爽 – 呢個好睇究竟嗰個人嘅心態，因為每一個人都有唔同嘅信念，萬一係工作上出現衝突就有機會做得唔開心，跟住就會去搵工。呢個可能係其中一個大家冇乜留意嘅原因，就係員工喺工作上得唔得得到個滿足感。如果淨係要求有高嘅產出而忽略咗員工喺工作上嘅成就感，好快員工失去對工作嘅熱誠，就會考慮另謀高就。

4. 其他福利 – 在家工作（WFH），年終獎金、car allowance、長期服務獎、耐唔耐公司俾錢食返一餐半餐、聖誕派對及現金咭等等不同嘅福利，都能夠令員工願意留下來繼續為你打拼。唔好睇小呢啲小恩小惠蛇齋餅糭，有時候可能就係呢啲嘢，留住你嘅員工。

除此以外，員工都會考量自己嘅前途。正所謂好嚟好去，山水有相逢，好多時員工臨走時為咗好好睇睇，會費盡心思找個走人的理由，為免大家冇面。所以帶團隊，你得問自己，員工為乜為你賣命先？

另外，老闆也必須給員工做事的機會，賺錢的機會，成長的機會，發展的機會，才能令員工有目標感，安全感，歸屬感，成就感！千祈唔好以為呢啲口號假大空，講到尾，能否事業有成，相信都係每一個打工仔希望達到嘅目標。

雖然呢啲聽落好似好廢話，喺唔同嘅著名獵頭公司每年做嘅調查都顯示，如果企業能夠俾到員工一個非常清晰嘅職業生涯規劃，佢哋願意留低繼續同你打拼嘅機會會更高。根據最近嘅調查，頭12個月係斷定員工會否留任嘅關鍵，因為大部份嘅離職都會喺呢12個月內發生。理由都不外於上面講嗰幾個。

然後嘅一兩年就係佢哋嘅穩定期，當中員工開始尋求嘅就係事業發展嘅機會同埋能否喺工作裏邊取得成就。去到大約第三至五年，若然員工繼續留低嘅話，佢哋就可以話已經係你嘅主力人員，除非有咩重大嘅事情喺佢生命裏面發生，否則一般嚟講佢都會做落去，唔會刻意轉工。

所以做老闆嘅你，睇完會唔會考慮吓為員工設立一個晉升階梯嘅職業規劃呢？

作者：Sydney HR 的日與夜

關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。

支持我們：https://www.ls1.points-media.com/supports/

The post 【人事世界】給老闆們的良心建議 – Sydney HR的日與夜 appeared first on 棱角媒體.

一年容易又到新年。第三篇遇正過農曆年，喺呢樹恭祝大家恭喜發財，身體健康??

人在異鄉倍思親。今年已經係細粒姑喺外國渡過嘅第三個新年。當你住喺一個鬼佬國家你好難奢望你自己嘅傳統節日市面上會有啲乜嘢節慶氣氛 （雖然聽聞香港嘅節日氣氛都唔算得好濃厚… 哈佬 Hong Kong…）

呢幾年喺外國生活嘅其中一個感悟係，移民嘅生活，唔代表你要捨棄忘記你嘅出身喺邊度，而係要點樣喺融入他人嘅文化同生活之中，同自己嘅文化中間，去攞一個平衡。做人唔應該忘本、要毋忘初心，喺自己嘅傳統節日，都應該要做返出嗰啲多儀式感嘅。始終喺異鄉過節，特別容易孤單、寂寞、涷（嗯，不過澳洲依家夏天好熱。）

儀式感呢樣嘢我就覺得豐儉由人，可大可小，反正都係隨心隨能力所及，做到幾多得幾多。最重要嘅唔係你搞咗幾大壇龍鳳，而係要感受、維持到自己同原生文化嘅一啲連結，噉樣我覺得已經好足夠。

好似細粒姑生活嘅城市，好好彩有一班義工搞香港人年宵，又有政府為咗推廣文化共融，每年大年初一都喺唐人街搞舞獅表演同逐家商戶去逗利是呢啲習俗嘢（劣習？）。今年仲封埋條路，請哂樂隊大搞亞洲美食節添。反正我一向喺香港嘅時候家人都唔鍾意高調地過節日，喺呢啲氛圍下我都只係簡單地入年宵打咗個轉，返屋企自己少少哋整咗底年糕，再睇返套陳年賀歲片就算。仲有再加埋週末去行個山行返個大運？我就真係已經夠哂皮啦。始終喺鬼佬國家，農曆新年冇假放、冇利是?，瞓醒覺咪又係準時返工。

對我嚟講新年真正嘅重頭戲係約個時間，跨越時差，視像參與拜年，打吓電話比家人朋友吹吓水（或者仲可以加埋PayMe派利是？除咗攬攬老豆老母之外有咩係現今科技遙距做唔到？）。每逢佳節最重要係see親，感受吓同親朋好友連結嘅嗰一種力量，支持你繼續過活下去，趁住Loong Loong佳節，平日唔係成日傾到偈嘅又借啲咦聯絡吓。我諗呢一啲先至係節日意義。講到尾，節慶日子最重要係同你來自嘅地方同社群嘅聯絡，大家講返共同嘅語言互相問候，feel like you are not a loong (alone)，而唔係區區嗰一塊年糕或一舊月餅吖係咪？

—

2024嘅細粒姑挑戰新corner！
細粒姑娘嘅隨筆噏
精神唔再係講病，而係點樣達至精神健康
每一期，兩個字做標題
可以係某一個階段
可以係某一個徵狀
希望可以及時補充你嘅能量
繼續喺異地撐住你嘅香港人生

#細粒姑講吓經 #移民精神健康 #節慶

支持我們：https://www.ls1.points-media.com/supports/

The post 【細粒姑講吓經】移民精神健康之節慶 – 細粒姑娘 appeared first on 棱角媒體.

一不離二，不如第二篇就講吓身邊嘅人。

多謝大家賞面。上一篇出完之後，有人對於提及同伴係好隊友定係豬隊友好有感觸…

同伴有好多種：可以係家人、可以係你朋友、亦都可以係你嘅伴侶（結咗婚、未結婚）。喺我哋人生唔同嘅階段，都有好多唔同嘅同行者。即將到而立之年嘅我，開始體會到身邊嘅人，總係一波波噉嚟，一波波噉走。剎那嘅光輝唔係永恆，人生去到最尾都會係孤獨嘅 — 自己先至最重要，眼前嘅嗰一位先至最重要。

喺作出移民呢個決定嘅時候必然會將你身邊嘅嗰一位納入你嘅計劃。不論嗰個係家人，定係你當時嘅伴侶。移民呢一個大決定，你必須要將佢帶喺身邊，因為佢係當時對你最重要嘅人。上一篇有講到，每個人對於移居嘅反應都唔同，喺壓力之下一啲以前唔為意嘅小問題、溝通問題，好容易就會浮上面。 相信大家聽過唔少案例：移咗民之後因為適應中間出現咗好多磨擦，最後好可惜兩個人要分道揚鑣，甚至會出現分開咗之後就要返香港嘅局面…

有同行者，當然就係好。比起你孤獨走呢一轉路，你得到嘅係兩雙手，而唔係只有你一雙手。所謂搬搬抬抬時多一對手都會方便啲。我相信每一段關係嘅相處方式都唔同，有啲人需要比較多對話/ 有啲人多啲Skinship，磨擦就會減少。從來都唔會有一本通書可以讀到老，只能夠靠雙方慢慢去摸索，以及雙方嘅努力調整、讓步。一隻手掌拍唔響都係呢一個道理。好多時搵我傾偈嘅朋友，都係想努力嘅一方，覺得自己攰喇，另一半都攰喇，唔知可以點做，好辛苦，好唔開心… 我大部份時間比嘅建議係：「溝通溝通，唔溝一日都唔會通」，先盡力表達自己心入面嗰句，而唔係比意氣說話傷人心又講唔出重點。之後如果你已經盡咗力，咁就請揀對自己最好嘅方案，照顧好自己先，一定要對自己好啲：記得，要愛自己，先至可以愛人。

上面講嘅溝通唔局限於你嘅伴侶。正如我開頭所講，可以係你嘅家人，可以係你嘅朋友，只要係目前喺你身邊最親近、最重要嘅人。移民呢一個動作涉及嘅轉變好大，不論你有冇同伴喺身邊都好，最緊要係互相扶持，大家加油。即使物理上我哋呢一群人已經離散，心靈上希望大家依然維持聯繫，香港人大家撐大家，一齊撐落去。

—
細粒姑娘instagram：https://www.instagram.com/littlepsynurseaus/
2024嘅細粒姑挑戰新corner！
細粒姑娘嘅隨筆噏
精神唔再係講病，而係點樣達至精神健康
每一期，兩個字做標題
可以係某一個階段
可以係某一個徵狀
希望可以及時補充你嘅能量
繼續喺異地撐住你嘅香港人生

#細粒姑講吓經 #移民精神健康 #同伴

支持我們：https://www.ls1.points-media.com/supports/

The post 【細粒姑講吓經】移民精神健康之同伴 – 細粒姑娘 appeared first on 棱角媒體.

上星期同大家睇咗2024年嘅澳洲就業展望，今個星期就同大家分享返2024年嘅職場趨勢。其實之前都已經喺好多唔同嘅文章度同大家分享咗，近日有更加多唔同嘅行業巨頭作出分享，整合之後有幾個趨勢可以同大家討論一下。

首先喺澳洲最熱門嘅其中一個topic就係男女同工同酬。諮詢文件同埋先導計劃喺舊年已經開始，法例規定所有企業必須遵守並且每年提交報告，匯報公司男女比例以及薪酬差距。100人或以上公司必須呈交報告，500人或以上公司更需要設立Policy。BHP嘅人事總監已經表示，呢項計劃將會令到公司百上加斤，因為有大量嘅報告需要撰寫，而且對業務基礎上係沒有幫助的。這個題目會另闢文章同大家分析；然而我哋睇到個趨勢會係女性嘅薪酬將會因此有所遞增，企業由於被法例規範，必須調節男女比例，即係話女性求職者喺今年搵工相對會比較容易。

另外有啲行業亦都係繼續處於人手極度不足嘅狀態，例如工程師。BHP亦都同時表示，喺過去約10年，於本地畢業嘅工程師比例已經下降超過70%，而且有近半數嘅工程師於未來10年會年屆退休年齡。有鑒於此，有經驗嘅工程師好多時候係需要從外地引入，本地嘅工程師畢業生買少見少。

而跟住呢個嘅趨勢，我相信大家都唔會陌生，就是AI，AI，還是AI。無論係智能人工客服，還是Internal所作的desktop research，甚至係一啲基本嘅商業文件，例如撰寫會議程序、將冗長嘅文件撮要等等，企業使用AI嘅比重只會越來越高。使用AI並不一定係在公海的那種像Chat GPT，有大企業已經自行研發內部AI，有銀行甚至已經完全使用人工智能篩選求職者，需要履歷內含有關鍵詞，才會選出考慮。學習與AI共存已經是大趨勢，亦都肯定係2024年其中最重要嘅一項職場改變。

疫情過後，在家工作（WFH）變得流行，甚至理所當然。有些求職者甚至認為能夠在家工作是企業應該給予的「基礎要求」。先撇除Fairwork對在家工作的要求，唔少大企業已經從2023年開始陸續表明希望員工能夠重新回到辦公室上班，而呢個趨勢會持續。有企業甚至表明年終獎金將會與出勤率掛鉤，鼓勵員工多回到辦公室上班。這好有機會係基於企業未能夠確定員工在家是否「真正」在工作而作出的決定。同時間，有些企業仍然對在家工作感到樂觀，因此求職者喺搵工嘅時候一定要了解企業對WFH嘅要求同睇法，唔好一廂情願以為呢個大趨勢所有公司都會跟。

好，講住咁多先，嚟緊仲會繼續有唔同有關2024年趨勢嘅一啲講座，聽完再同大家分享。

作者：Sydney HR 的日與夜

關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。

支持我們：https://www.ls1.points-media.com/supports/

The post 【人事世界】2024澳洲職場趨勢 – Sydney HR的日與夜 appeared first on 棱角媒體.

第一篇講吓適應先。

啱啱落地嗰下梗係有好多嘢會唔慣㗎啦，不論係你以前嚟過旅遊過，定係好似我咁樣，從來都未嚟過澳洲直接膽粗粗落地就係攞PR；衣食住行樣樣嘢你都要適應，亦都會面對好多焦慮同不安 — 老實講可能你連點樣報警你都未必知。過嚟之前你可能會預想呢邊嘅生活有幾美好。但係一落地你就會遇到好多即時嘅困難，例如：點樣搭車？點樣買餸？方位係邊度？點樣求助？一個人嘅話就真係得部電話你可以找答案或幫手。

有同伴嘅話好嘅話可能係有個照應；難講嘅，唔知嗰個係咪一個好嘅隊友。喺適應嘅中間唔同人面對環境嘅轉變同埋難關嘅時候都會有唔同嘅反應。有人會覺得好刺激好enjoy，但目測九成嘅人都有唔同程度嘅焦慮。除咗正常環境轉變出現嘅焦慮之外，如果本身就已經對移居外地有好大懷疑，或者底個一層係冇乜決心嘅話，好快會表現出厭惡嘅情緒，覺得「一早都話唔走好過㗎啦」，更大嘅可能係因為期望同現實出現落差而好唔開心。注意，有時候，情緒同表像係會唔同 — 忟憎易怒，底個浸可以係抑鬱焦慮㗎。

如果你係有同伴嘅話，最希望係大家可以互相扶持。啱啱適應期，大家對未來嘅設想可能有唔同嘅時候，或者面對難關嘅時候，就會有好多討論，甚至鬧交嘅出現…

一般嚟講適應期就好似陣痛咁樣，過咗頭嗰排就會好啲。好多人都會問我：你用咗幾耐嘅時間嚟適應啊？我會話個人嚟講，最開頭嗰個零兩個月真係要俾啲注意力，去放開心，接受有啲乜嘢係同以前係唔同，提醒自己唔好成日諗住前面嗰一套。但係講「真.適應」成個國家嘅文化、政治、或者社會生態上，我會話我到兩年半後嘅今時今日都繼續適應緊。你會發現始終你唔喺呢度出世，呢度成長，同你一向生活嘅環境有好大分別嘅時候，努力去融入當地所使出嘅呢一份努力，就係所謂嘅努力去適應囉。有壓力但又會有進步，至少我到今日都好喜歡我移居呢一個決定。冀望過去，現在，同未來移居適應中嘅你，都可以喺適應嘅壓力中找到你嘅樂趣同新奇發現。

—
細粒姑娘instagram：https://www.instagram.com/littlepsynurseaus/
2024嘅細粒姑挑戰新corner!
細粒姑娘嘅隨筆噏
精神唔再係講病，而係點樣達至精神健康
每一期，兩個字做標題
可以係某一個階段
可以係某一個徵狀
希望可以及時補充你嘅能量
繼續喺異地撐住你嘅香港人生

#細粒姑講吓經 #移民精神健康 #適應

支持我們：https://www.ls1.points-media.com/supports/

The post 【細粒姑講吓經】移民精神健康之適應 – 細粒姑娘 appeared first on 棱角媒體.

趕在新年前剪髮，才想起上一次理髮是公開參與任何政治工作之前，也是將「郭鳳儀」與連登上的「家樂巴」劃上等號以前。

孩提時覺得剪髮是大事，不捨得離別自己的一部分，剪去便會哭。長大後剪髮不必如此多愁善感，但我今次都不禁想起剪去的髮量確是實實在在地與我「活過」這段時間的一部分自己。

22個月間，不斷學習、不斷嘗試、不斷構思新方向、不實行新計劃、不斷地見難、解難，又再見難，努力令自己與組織每個月有進步、有進展、有貢獻。視自己是吸水海綿，極速吸收所有知識與資訊，然後到應用時將所有全部奉上、清空。五勞七傷隨上，現在的課題為停止拒絕休息。

不知未來的22個月又會帶來甚麼形式的難題，而又面對怎樣的經歷。一生為修行，期待見到22個月之後又有成長的自己。

作者：郭鳳儀
郭鳳儀專頁：https://www.facebook.com/annakwokfy

支持我們：https://www.ls1.points-media.com/supports/

The post 【念起即覺】趕在農曆新年前剪髮 – 郭鳳儀 appeared first on 棱角媒體.

雞蛋究竟要不要冷藏，食用前要不要清洗? 其實是一個足以致命的衛生話題。今次皮毛小知識會跟大家分享認真、嚴肅、實用冷知識，簡單介紹如何處理雞蛋的這些千古爭論。

★請加入頻道會員： → https://bit.ly/3A6X2Qe

★更多相關資訊

→FACEBOOK : http://fb.com/shallow.knowledge20/

→INSTAGRAM : https://www.instagram.com/shallow_kno…

授權轉載：皮毛小知識Youtube Channel

支持我們：https://www.ls1.points-media.com/supports/

The post 【皮毛小知識】雞蛋要不要冷藏、要不要先清洗? 沙門氏菌的教訓! (繁體中文字幕) appeared first on 棱角媒體.

又是一年一度的澳網決賽 彭帥依舊沒有自由

作者：
巴丟草Badiucao
政治漫畫家/人權分子/反共反極權/反種族主義

支持我們：https://www.ls1.points-media.com/supports/

The post 【Badiucao 巴丟草】又是一年一度的澳網決賽 彭帥依舊沒有自由 appeared first on 棱角媒體.

尊敬的張舉能大法官：

我是一個普通的香港市民，近日看到您在「2024法律年度開啟典禮」上的講話，又適逢黎智英案件進入審理階段，本人內心有諸多疑慮，出於求知慾旺盛，大膽寫下這封信就教於您。我地位之低與您地位之高固不可以道里計，但人生而平等，我就僭越一次。

您在講話中一再強調香港仍然是普通法適用地區，這與我們普通市民的認知大相逕庭，自從有了國安法，香港就沒有普通法了。您作為香港最具權威的法律專家，可否向公眾解釋一下，國安法在多大程度上與普通法相適用。

針對黎智英案，我有三點很不明白，第一是為何國安法有追溯期？黎智英被控的涉及顛覆國家政權﹑勾結外國勢力等罪名，實際發生的時間點，都是在國安法頒佈之前。當初林鄭月娥曾公開宣稱，國安法沒有追溯期，但現在香港法庭分明將黎智英的「犯罪」事實，追溯至國安法不存在的年月，這有什麼法律依據？

人不可能遵守一項不存在的法律，香港在普通法下，言論自由一直都受到保護，黎智英與蘋果日報在國安法頒佈之前所做的一切，都沒有超出言論自由的範疇，否則當時就理應被控。那麼大法官先生，你認為香港法庭如此加諸違反國安的罪名在黎智英等人身上，是否符合普通法的原則？

第二點是，依香港法庭慣例，實行無罪推定原則，這是否意味著，當一個疑犯未被判定有罪前，他是無罪之身，疑點利益歸於被告，法庭不能罔顧事實與法理，將疑犯無理囚禁。至今，黎智英已被囚超過三年，更多民主派人士也遭同樣的非法監禁，這在普通法的範疇裡，是不是一項合乎法治精神的處置？

第三點是，審理黎智英的法庭，取消了陪審員之設，您在發言中強調以三名法官代替陪審員作出定罪與否的裁決，程序上沒有分別，甚至有好處。筆者不明白的是，當西方法律先賢們在法庭設置陪審員制度時，難道他們不明白，法官比平民更具有法律專業知識嗎？他們為什麼一定要設置陪審團來取代法官裁決？如果法官裁決比陪審員更公正更有效，當初何必多此一舉？

我的認知是，法界先賢們之所以設計這個制度，沿用數百年，正是因為他們看重一般公眾的良知，陪審員資格中，特別排除了法律專業人員，證明只有以最普遍的人性，以最基本的良知來衡量罪行，那才是最體現公義，也最公平和最具有普適性。

公義建基於普遍人性，法律也建基於普遍人性，只有人性才是衡量一個人是否犯罪的最高準則，法律只不過是體現人性而設置的條文而已。古老的法庭之所以重視陪審員制度，原因便是不具有法律常識的普通人，可以用他們基本的良知去審視案情，作出符合人性的裁決。

法庭之所以不以法官來取代陪審員，便是希望以陪審員的公眾身份，以每個人具有的基本人性來平衡法官的法律修養。您認為三位法官非但可以取代陪審團，甚至更有好處，請問這些好處體現在什麼地方？他們能使被告有更公平的待遇嗎？照此說法，是否世上所有法庭都應該永久性取消陪審團？

很抱歉我是法律門外漢，我所知的都只是普通常識，但以上三點，我相信是相當多香港市民共同的疑慮，需要您對此作出權威性的解答。只有市民更理解當前香港的法律環境，我們才能更好地守法，是不是這個道理？

黎智英的言論自由權利，理應受到聯合國人權宣言的保護，也應受到中華人民共和國憲法的保護，也應受到基本法的保護。如果黎智英受不到言論自由的保護，那麼我們每個人，包括大法官先生你自己，都受不到應有的保護。以上的國際大法﹑國家大法以及香港回歸中國的基本大法，都應該高於國安法。國安法應該遵循以上三項大法的基本原則，而不是三項大法應該俯就國安法的具體規定。

如果一個國家可以隨時立法，以削弱和取消國際大法﹑國家憲法等等最高法律原則，那麼國際大法與國家憲法還有什麼法律權威可言？還有什麼貫徹始終無遠勿屆的保障？以低層次立法來肢解和強姦最高層次的法律原則，這是所有專制與獨裁政體的共性，他們的法也叫做法，但那不是人民的法，是他們自己的法。這也是常識了，大法官先生沒有理由不明白。

中共宣稱全國人民代表大會是國家最高權力機構，全國人民代表大會是立法機構，香港國安法便是由全國人民代表大會訂立，但可惜，這裡的人民代表沒有一個是經過合法的程序，由中國人一人一票選出來的。大法官先生也沒有理由不知道這一鐵定的事實。

中華人民共和國憲法規定中國人有言論與結社自由，基本法也規定香港人有言論與結社自由，這些自由是否可以由國安法剝奪，這也是我想就教於大法官先生的一點。

如果香港人依法享有的個人權利，都可以由中國共產黨立法取締，那麼你口中那麼有效的普通法，還能為我們提供什麼保障？

尊敬的大法官先生，以你的地位，你是香港法治社會的象徵，你應該比我們更明白，法律之設絕不是建基於統治者的利益，而是建基於公義。公義是什麼？公義是公眾的利益﹒公眾的意願﹑公眾的意志。服從於公義，或服從於一黨之私，這是衡量一個法律專業人士是否具有個人良知與職業道德的根本標準。

當法律與公義相違背，個人利益與公眾利益衝突時，法官應該站在什麼立場，這不是你接受西方法律教育的初衷嗎？現在你不但接受中共的專制法律，為其前呼後擁，充當他的說客，還執行他的意旨，你心中還有香港人在嗎？公義還在你內心守護著嗎？靜夜無人時捫心自問，你覺得自己的良知還在嗎？

你說美國對你們一班法官實施制裁，是「與法治背道而馳，絕對不可接受」。在我認知範圍內，這是美國議會第一次對他國法官作出制裁決定。美國議員們如此得閒，「冇端白事」來找你的麻煩？唯一可以解釋的，便是他們對你作為象徵的香港法治的墮落，也已經看不過眼了。你作為西方教育出來的法律專業人士，受到西方體制下的議會的制裁，你是否需要有一點自省，看看自己做了什麼，會令自己的老師都要拍案而起了。

我不知道寫這封公開信，會不會被你強加藐視法庭的罪名，但在言論自由的社會，一個人應該有權質疑一切不合理的社會現象，這是我們的社會得以保持理性與進步的條件。我不揣淺陋大膽直言，希望得到你的垂注，若有三二點回覆，釋我疑慮，則幸之甚矣。

謹此，若有冒犯之處，懇請包涵，並祝您每日有良好睡眠。

香港市民顏純鈎
2024年1月23日

支持我們：https://www.ls1.points-media.com/supports/

The post 【顏純鈎】致香港終審法院首席大法官張舉能的公開信 appeared first on 棱角媒體.